O pasado luns celebramos a primeira xuntanza do noso club de lectura manga, na que participou alumnado de todos os niveis educativos e tamén catro profesoras. A sesión, guiada por Leire e Laura, de 4º ESO, foi unha oportunidade para comezar a coñecernos, compartir gustos e falar das nosas experiencias co manga e o anime.
A finalidade desta iniciativa é crear un espazo distendido e participativo no que descubrir novas lecturas e aprender a valorar o manga como forma de expresión literaria e artística, independentemente da experiencia lectora de cada persoa.
Durante a sesión, presentamos diferentes propostas de lectura e comentamos as súas historias e temáticas. Entre elas estaban:
- Neon Genesis Evangelion I, de Yoshiyuki Sadamoto, unha obra de ciencia ficción e acción.
- Goodbye, Eri, de Tatsuki Fujimoto, que aborda temas como a perda, a amizade e a memoria.
- Tokyo Revengers, volume 1, de Ken Wakui, que combina acción, bandas xuvenís e viaxes no tempo.
Despois de coñecer as distintas propostas, escollemos a lectura que máis nos chamou a atención para continuar a experiencia nas próximas xuntanzas. Dado o éxito de convocatoria e o interese espertado, a idea é organizar os vindeiros encontros en grupos máis reducidos, para favorecer a participación, o intercambio de opinións e unha conversa máis próxima arredor das obras.
Nenhum comentário:
Postar um comentário