Neste 2º trimestre o club de lectura de 4º ESO traballlou arredor da obra de Manuel Esteban A lei do mar. A proposta nesta ocasión consistiu na lectura do libro e a visualización posterior da súa adaptación en serie, co obxectivo de favorecer a comprensión crítica e a comparación entre ambos formatos.
En primeiro lugar, realizouse unha posta en común breve na que se lembraron os elementos principais da obra, como os personaxes, os conflitos e o papel simbólico do mar, ademais de formularse unha pregunta inicial para activar expectativas sobre a adaptación.
Despois procedeuse ao visionado de fragmentos seleccionados, durante o cal o alumnado se centrou nas diferenzas respecto ao libro e na forma de transmitir a atmosfera e as emocións da historia.
Posteriormente, realizouse un debate no que se compararon ambas versións, analizando as diferenzas máis relevantes, a fidelidade á obra orixinal e a transmisión da mensaxe principal.
Nenhum comentário:
Postar um comentário