Ons, a illa do tesouro: Xuntanza dos clubs de lectura

Ons, a illa do tesouro

Robert Louis Stevenson escribiu que aquela illa gardaba un tesouro, e aquel neno non parou até dar con el.

Moitos nenos como aquel de Stevenson deron co tesouro da illa de Ons, desde Álvaro de las Casas a Staffan Mörling, e o tesouro daba que atopar: non estaba soterrado, nin agachado nunha adega, nin custodiado nunha fortificación. De feito o tesouro de Ons nin siquera se trataba dunha morea de xoias e moedas descansando dentro dun baúl medio enferruxado. Iso si, para atopalo era preciso ser un pouco neno, deixarse emocionar, sintonizar coa emisión das súas ondas.

1/23/2021

Xuntanza dos clubs de lectura

Despois da primeira toma de contacto dos membros do club de lectura de 1º e 2º ESO o día 14 de xaneiro, o pasado xoves tivemos outra xuntanza na que dou comezo a primeira proposta do ano, centrada na reflexión sobre o papel das mulleres nos contos infantís. A coordinadora do club, a profesora de Lingua e Literatura Castelá Montse Villar, propuxo a cada un dos asistentes que pensasen nalgún conto clásico infantil e que explicasen o papel da muller neles. A continuación comezamos unha lectura compartida do conto "Helena y la varita-lápiz", escrita pola propia coordinadora do club, e fomos analizando distintos aspectos do texto.

Nenhum comentário:

Postar um comentário